Colexio Plurilingüe Colexio Plurilingüe
1 1 1 1 3 4
   Circulares
   Álbum Colexial 14/15
   Proxecto Plurilingüe
   Xestor Educativo

Consulta as distintas circulares do centro para o curso escolar 2014/2015

Actualizado: 27/04/2015

            Consultar...

 

Tódolos actos e actividades!

Novidades: 22/04/2015
Labs II Primaria | Festa da Danza
Día do bocata | Entroido

           Consultar...

Os idiomas son un dos aspectos máis importantes na educación.

             Consulta o PROGRAMA DAS FESTAS COLEXIAIS 2015 na honra de San Xoán Bautista De La Salle.
   Actualidade no Colexio
  Información
Manuel Rivas co alumnado de Bacharelato
lunes, 27 de abril do 2015

 Os nosos alumnos de Bacharelato mantiveron un ENCONTRO LITERARIO  co escritor MANUEL RIVAS, autor d’O lapis do carpinteiro e d’As voces baixas, que leron en primeiro e segundo respectivamente.

En senllas charlas, faloulles da creación literaria, das fontes de inspiración, da historia da humanidade, dos símbolos circulares concéntricos... ademais de recitar algún poema da súa autoría e dun enriquecedor diálogo cos alumnos e alumnas que lle quixeron facer algunha consulta ou solicitar algunha clave de interpretación das obras.

Aínda quedou tempo para asinar cantos exemplares trouxeron e dialogar persoalmente con cadaquén.

 
 
 
O noso Colexio campión e subcampión do Parlamento Xove
viernes, 24 de abril do 2015
 O equipo da ESO gañou a competición de debate Parlamento Xove e o de bacharelato quedou finalista na competición que se celebrou no Parlamento de Galicia o pasado sábado 18 de abril. É a primeira vez que un colexio chega á final desta competición de debate nas dúas categorías. Xa o ano anterior o equipo de bacharelato gañara a competición mentres que o da ESO chegara a semifinais

No campionato organizado pola Dirección xeral de xuventude e voluntariado da Xunta de Galicia o equipo da ESO, formado polos alumnos María Creus, Nerea Mata, Gabriel Salsón e Uxía Taboada venceu nunha disputada final ao equipo do IES de Pontepedriña. O tema da fase final nesta categoría era se desaparecerían as salas de cine como forma de ocio. Os catro membros do equipo xunto coa súa coordinadora, a profesora Mónica de Soto gozarán dunha viaxe valorada en tres mil euros. Para chegar aquí o  equipo de La Salle tivo que pasar unha fase previa con 24 equipos celebrada da Deputación da Coruña o pasado 7 de marzo e unha fase final cos oito mellores.

Pola súa banda o equipo de Bacharelato perdeu a final contra o IES de Becerreá despois de superar unha difícil fase previa o pasado 28 de marzo con outros 24 equipos. Nesta ocasión o equipo estaba formado por Carmen Francisco, Lara Caeiro, Paula López e Pedro Montero. Nesta categoría o tema da final era se dende as familias se fomentan as faltas de respecto ao profesorado na escola.

Nota de prensa de "El Corrego Gallego": preme aquí

Nora de prensa de "La Voz de Galicia": preme aquí

 
Día de laboratorio e experimentación para os nenos/as de 2º de Primaria
jueves, 23 de abril do 2015
 E volvemos tocar, cortar, ver, debuxar, escoitar, etc. en definitiva, outra vez estivemos no laboratorio. Coma sempre os nosos compañeiros/as de 2º de E.S.O. axudáronnos, ensináronnos e preparáronnos un peixiño chamado chincho, para que nós puidésemos aprender sobre a súa morfoloxía externa e interna.

Con moita paciencia e cariño, mostráronnos cómo e para qué utilizan as súas diferentes aletas, a vexiga natatoria, o corazón, os intestinos,...e moitas cousas máis. O máis divertido foi poder tocar todo coas nosas luvas e ao rematar, lavar as mans cun xabón especial de cor rosa.

Queremos darlles as gracias por todo o que nos ensinaron, polo tempo que nos dedicaron, e por facernos pasar unha hora moi divertida. MOITAS GRACIAS

Os nenos e nenas de 2º de Primaria

Queredes ver como traballamos aprendendo? Visita o Álbum Colexial: preme aquí

 
Sesión informativa sobre o Bacharelato Dual (Diploma Dual)
martes, 21 de abril do 2015

 Como xa sabedes, é sempre a nosa intención dar aos alumnos o maior número de posibilidades formativas, por iso queremos informarvos dunha nova experiencia que imos iniciar no Colexio para o curso escolar 2015-2016, sendo o primeiro colexio en Santiago en ofrecela: O Diploma Dual ou Bacharelato Dual.

Basicamente consiste na obtención ao longo de 4 anos, (de 3º ESO a 2º de Bach.) ou de 2 anos (1º-2 º de BACH) dunha dobre titulación de bacharelato, española e americana, á vez que a aprendizaxe e consolidación do Inglés como idioma.

Por iso queremos invitarvos á presentación que José Luis Martínez de Urbina (Director of International Development) de Academica Corporation ofrecerá a todas as familias de alumnos que están a cursar actualmente 2º e 4º da ESO na sala de Conferencias-1 do Colexio La Salle, o día 23 de Abril ás 19:00h.

Achegamos tamén un díptico con información complementaria que pode ser do voso interese.

Díptico con información complementaria - Bacharelato Dual (Diploma Dual): preme aquí

 
Semana PROYDE e día do Bocata
lunes, 20 de abril do 2015

 Xa pasaron algunhas semanas dende que se celebrou no colexio o día do Bocata no colexio, e non queremos deixar pasar a ocasión para dicirvos GRACIÑAS!!

Cada ano son máis os alumnos participantes e tamén cada vez son máis os alumnos e pais que axudan, xunto cun grupo de profes, na tarefa de facer os bocadillos.

Son estes pequenos xestos os que van cambiando a realidade das persoas en países en desenrolo, porque o recadado xunto co que seguiremos recadando irá para PROYDE que o destinará este ano a Togo e as escolas rurais.

Grazas a colaboración da ANPA colexial que donou integramente todo o necesario para facer os bocadillos e tamén a bebida.

Todo o acadado non sería posible se non tivésemos rapaces que reparten os bocadillos nos recreos, se non houbese alumnos que o compran, profes que animan e colaboran, e familias que dende a casa ven que é importante.  Moitas grazas a todos.

Poder ver como foi o "Día do bocata" no Álbum Colexial: preme aquí

 
Special Olimpics na Coruña
lunes, 20 de abril do 2015

 O pasado 11 de abril ás 8 da mañá arrancamos tres furgonetas cara Riazor para colaborar unha vez máis con Special Olimpics nun dos seus campionatos. Neste día tocaban  os deportes minoritarios: ping-pong, bádminton, petanca, xogos adaptados , xogos motrices …

Foi un día especial, primeiro pola cantidade de voluntarios que nos atopamos da asociación Aspronaga organizadora do evento e tamén polo lugar, que nos permitiu comer xuntos na praia … Volvendo despois ás nosas tarefas que xa tivéramos pola mañá.

Coma sempre rematamos cansos porque o día foi un completo de axudar e compartir coas persoas que alí estaban.

 
<< Inicio < Ant. 1 2 3 4 5 6 7 8 9 10 Seg. > Remate >>

Resultados 1 - 9 de 540
CAMPAÑA de PROYDE
a beneficio de TOGO
800
Proceso de Admisión curso 2015-2016
 
Aberto o prazo de matrícula BACHARELATO 2015-2016
 
 
Calendario do curso 2014-2015

Circulares do curso 2014-2015

Salle Xove


Acceso ás probas distritais
Aula de Familias

Biblioteca-Centro de Recursos Ir. Fernando Diéguez
Programa Orienta 2013/2014
Programa
Voluntariado PROYDE
 
Seccións
Menu Escolar
  • Menu escolar do mes de abril: preme aqui.
Quén Somos...

Praza de San Xoán Bautista De La Salle, 1 C.P.: 15704. Santiago de Compostela.
Tfno.: 981 584 611 | E-mail: santiago@sallep.net secretariasantiago@sallep.net adsantiago@sallep.net